Tashqi mehnat migratsiyasi agentligining Rossiya Federatsiyasidagi vakillari hududlaridagi turli korxonalarda bo‘lib, ish beruvchilar va mehnat migrantlari bilan uchrashuvlar o‘tkazdi.

Ufadagi “ЯРУС”, Sverdlovskdagi “Протон”, Nijegoroddagi “Борресурсы”, Krasnodardagi “ССК”, Yekaterinburgdagi “Водоканал-регион” korxonalari rahbariyati va bu erda ishlayotgan mehnat migrantlari bilan uchrashuvlar o‘tkazildi. Shuningdek, mamlakatimizning Qozon shahridagi Bosh konsulxonasi Birinchi kotibi boshchiligida Nijegorod viloyati inson huquqlari bo‘yicha vakili, viloyat mehnat va bandlik boshqarmasi, Mintaqaviy kadrlar agentligi rahbariyati bilan uchrashuv o‘tkazildi.

Uchrashuvlarda xorijiy ishchi kuchiga ehtiyoji mavjud korxonalarga tashkiliy tazrda O‘zbekiston fuqarolarini ishga jalb qilish imkoniyatlari to‘g‘risida fikr almashildi.

Mehnat migrantlari bilan uchrashuvda O‘zbekistonda migratsiya sohasida qabul qilinayotgan yangi qaror va qonunchilik normalari, chet elda mehnat qilish uchun yaratilayotgan sharoit va qulayliklar to‘g‘risida maʼlumotlar berildi. Ularning yashash va ish sharoitlari o’rganildi.